16 maio 2018
OS NENOS DA VARÍOLA
O alumnado de 1º de bach. fomos ao centro Agora a unha charla da autora do libro Os nenos da varíola María Solar. Esta autora xunto con dúas investigadoras do CSIC ( do Centro Superior de InvestigaciónsCientíficas) comentaron, entre outras cuestións, a importancia da expedición científica realizada polo doutor  Balmis para expandir a vacina da varíola no século XIX.
Mª Solar baseouse neste feito histórico , o da expedición que partiu da Coruña con 22 rapaces recollidos nos hospicios de Santiago e desta cidade para realizar unha fabulosa novela , entretida e didáctica sobre a importancia deste feito.
Hoxe en día esta enfermidade segundo nos contaron xa está erradicada, pero foi esta expedición  de vacinación  o xerme da superación desta enfermidade mortal  e das secuelas que conlevaba ( cegueira, malformacións....)
Igualmente falaron da importancia da enfermeira coruñesa Isabel Zendal rectora do Hospital da Caridade da Coruña e que acompañou os expósitos  e está considerada pola organización Mudial da Saúde (OMS) como a primeira enfermeira da historia en misión internacional. Hoxe en día ten unha estatua en Coruña na zona do Parrote e en México concédese o Premio Nacional de Enfermería  Céndala Gómez no seu honor.
Previamente a esta charla xa tiñamos lido o libro. Actividades así formativas son as que nos gustan

15 maio 2018
Recordades o concurso de postres franceses que vos amosamos hai unhas semanas? Pois agora vos queremos presentar un estupendo libro no que a profesora Paloma recopila todas as recetas dos postres dos alumnos de 1º de ESO que algúns de vos tivéchedes a oportunidade de probar.

14 maio 2018
Fotografía matemática
As profesoras do Departamento de Matemáticas María Díaz e Carmen Vecino, en colaboración con Isabel Aller, de CAU, organizaron este curso unha exposición de fotografía na que podemos ver a relación entre ambas disciplinas. O mundo está repleto de xeometrías e números, e só temos que saber mirar para aprecialos.

A continuación presentámosche as imaxes premiadas, nas categorías de ESO e BAC:





09 maio 2018
Canle de Aultura Audiovisual
​Na parte inferior do blog podes atopar uns enlaces ás canles de Youtube. Unha delas é a canle de Cultura Audiovisual, onde podes ver, entre outras cousas, curtametraxes realizadas polos nosos alumnos e alumnas.

Deixámosche a continuación a lista de reproducción dos traballos deste curso e tamén a do curso anterior. Esperemos que desfrutes deles!

 

07 maio 2018
Diploma da Olimpiada de Física
Hai uns días vos falabamos da Masterclass de física de partículas á que asistiron os nosos alumnos en Santiago de Compostela, acompañados polo seu profesor, Nono García.

O mesmo día,  rematada a xornada, celebrouse a entrega de diplomas con motivo da Olimpíada de Física na que o noso alumno Miguel López Cuesta, tamén participante na Masterclass, acadou primeiro posto e recibiu de mans da vicerreitora de investigación da Universidade de Santiago dito diploma.

Durante o fin de semana do 13 ao 16 de abril, Miguel estivo en Valladolid no certame nacional da citada Olimpíada.


04 maio 2018
Masterclass "Física de Partículas coas mans"




O departamento de Física de Partículas da Universidade de Santiago de Compostela, en colaboración
coa Sociedade Europea de Física, o CERN (Organización Europea para a Investigación Nuclear) e
Fermilab (Laboratorio Nacional Fermi de USA), organizou o pasado venres 6 de abril na Facultade de Física de Santiago, unha xornada ou “Masterclass” de actividades relacionadas coa Física de
Partículas destinada a estudantes de bacharelato. Entre ditos estudantes, estiveron catro do noso
instituto.

A xornada, denominada “Física de Partículas coas mans”, consistiu nunha serie de conferencias
sobre a Física de Partículas actual, ademais dunha práctica por ordenador realizada en grupo; os
resultados foron discutidos mediante videoconferencia con outros centros europeos.
01 maio 2018
Contacontos en francés: Un voyage en Afrique

Jeudi, le 5 avril, Samuel Mountoumnjou est venu nous rendre visite pour nous raconter des contes africains.
Il est camerounais mais il habite à Valladolid depuis 14 ans. Il est professeur de langues et conteur. Il adore raconter les histoires de son pays qu’il a apprises avec son grand-père maternel et sa mère. Ces histoires parlent de la paix, de l’amitié, la vérité, la solidarité…
Dans ces trois contes africains, il mettait en scène, avec beaucoup d’enthousiasme, des animaux de la savane. Il a réussi à recréer l’ambiance des contes traditionnels africains avec entre autres, des objets comme le feu, une corne ou encore des pics de porc-épic.

Il nous a invités à participer aux histoires en nous mettant dans la peau des personnages tels que le lièvre ou l’éléphant. Avec ces contes, il nous a enseigné des morales et des valeurs que nous devons préserver. Une expérience enrichissante, originale et amusante.
Autores: Alumnos de 3ºESO e 2ºBACH (FR2)

Como sempre, podedes ver máis imaxes da actividade neste link.

30 abril 2018
Concurso portadas Mapoula


A nosa revista do instituto, Mapoula, elaborada polo Departamento de Dinamización de Lingua Galega en colaboración con alumnos e profesores de todo o centro, está xa no forno, cociñándose para saír publicada próximamente.

Convocouse un concurso entre o alumnado para elaborar a portada, contraportada e cabeceras de sección. Hoxe queremos compartir con vós o nome das alumnas encargadas de elaborar a portada e contraportada e imaxes de todas as ilustracións seleccionadas, que podedes ver tamén no expositor da entrada do centro:

- 1º premio. Portada: MARINA ARADAS, 2º BAC
- Contraportada: VIOLETA MOLDES, 2º BAC